über mich...

Sich sälber beschriebe, isch glaub immer am schwierigste, aber ich probiers mol.... 

Ich bin Delia, 21 und usem Aargau. Die letschte 2 Jahr bin ich als Flugbegleiterin um de Globus gfloge und han mini grossi Lideschaft, s'Reise mit mim Job chönne verbinde.... irgendwenn het's mich dänn wieder ih de Finger gjuckt, denn au wenn immer unterwegs bisch brueflich, das Fernweh, vo dem wo immer alli redet, isch ned zu 100% gstillt.... Drum han ich mich entschide, mis 2018 für mich z'nutze, min Traum z'läbe und mich ufd Suechi noch mir selber mache (jo das dönt jetzt für vieli so 0815, aber es isch so... und jede, wo scho mol länger go reise isch, weiss gena, was ich demit meine....)! 

Ich freu mich unglaublich uf mini Zit in Ecuador und dänn ufs reise, es wird wunderbar, ich weisses, au wenni jetzt do hocke - no eh de Schwiz, mit Träne eh de Auge (die, wo mi guet kännet, wüsset genau wie emotional ich immer bin....), aber das ghört dezue.... es wär komisch, wenn s'Heiweh eine nie heimsuecht und ich bin mer sicher, wenni zrugg bin, wird ich das alles, was mir do händ, wieder viel viel meh schätze! 

Ich hoffe, dass ihr mini Abentür au chli gnüsse chönnet!